+ គ្រឿងផ្សំ
- បង្គា ឬ កំពិស ៥០០ ក្រាម បកសំបកយកក្បាលចេញ
- សាច់ជ្រូក ៥០០ ក្រាម ចិញ្ច្រាំ
- ម្សៅអង្ករ ៥០០ ក្រាម
- ល្មៀត ១ ស្លាបព្រាកាហ្វេ ឬ មួយកូនដំតូច
- ខ្ទះដូង ៤០០ មីលីលីត្រ
- ខ្ទឹមបារាំង ២ ដុំ ១ ឆាលាយសាច់ ១ ធ្វើស្នូល ហាន់ជាចំណិតៗ
- ស៊ុត ២ គ្រាប់
- អំបិល កន្លះស្លាបព្រាកាហ្វេ
- ម្រេច កន្លះស្លាបព្រាកាហ្វេ
- ម្សៅស៊ុបមាន់ ១ស្លាបព្រាកាហ្វេ
- ប្រេងឆា (ម្តង ១ ស្លាបព្រាកាហ្វេ)
- ទឹក ១ លីត្រ
- សាឡាត់ បេះលាងទឹកឲ្យស្អាត
- ត្រសក់ ២ ផ្លែ ចិតបណ្តោយជាចំណិតៗ
- ជីអង្កាម ជីចាត់កា ជីនាងវង បេះលាងទឹកឲ្យស្អាត(អាចរើសប្រភេទជីមួយចំនួនទៀតតាមការចូលចិត្ត)
- សណ្តែកបណ្តុះ ៥០០ ក្រាម
+ វិធីធ្វើ
១. ជាដំបូងអ្នកត្រូវយកទឹក ១ លីត្រ លាយជាមួយនឹងម្សៅ ៥០០ ក្រាមបន្ទាប់មកកូរបញ្ចូលគ្នាបន្តិចសិនរួចបន្ថែមស៊ុត ២ គ្រាប់, ល្មៀត ១ ស្លាបព្រាកាហ្វេ, ខ្ទិះដូង ៤០០ មីលីលីត្រ, អំបិល កន្លះស្លាបព្រាកាហ្វេ កូរបញ្ចូលគ្នាទាំងអស់រហូតទាល់តែរលាយចូលគ្នាសប់ល្អ។
២. ដាក់ឆ្នាំងឆាខ្ទឹមបារាំងឲ្យឆ្អិនបន្ទាប់មកដាក់សាច់ជ្រូកចូលឆាពីទៅបីត្រឡប់ រូចក៍បន្ថែម ម្សៅស៊ុបមាន់ ១ ស្លាបព្រាកាហ្វេ, ម្រេច កន្លះស្លាបព្រាហ្វេ (អ្នកអាចបន្ថែមអំបិលបន្តិចក៍បានដែរ) រួចហើយក៍ឆារហូតទាល់តែឆ្អិន។
៣. ដាក់ប្រេងឆា ១ ស្លាបព្រាកាហ្វេ ចូលក្នុងឆ្នាំងខ្ទះរួចទុកឲ្យក្តៅបន្តិចសិនទើបបន្ថែមម្សៅដែលបានលាយរួចចូលទៅក្នុងឆ្នាំងខ្ទះ ១ វេក វាចឲ្យស្មើ ឬក៍អាចលើកខ្ទះក្រលេងក៍បានរួចបន្ថែម បង្កង,សាច់ឆា, សណ្តែកបណ្តុះ, ខ្ទឹមបារាំង ដាក់នៅម្ខាងងាយស្រួលក្នុងការយកម្ខាងទៀតគ្របពីលើ រួចគ្របប្រហែលជា ២-៣ នាទី យកម្ខាងទៀតគ្របទៅម្ខាងទៀតដែលមានស្នូលរួចហើយគ្របមួយភ្លេចក៍ត្រឡប់ម្ខាងទៀតគ្របរហូតស្នូលខាងក្នុងឆ្អិននោះអ្នកនិងទទួលបាននំបាញ់ឆេវ។
+ របៀបធ្វើទឹកគ្រឿង
អ្នកត្រូវមានចានគោមតូចល្មមមួយយកមកលាយគ្រឿងហើយកូរបញ្ចូលគ្នាឲ្យរលាយសប់ដែលមានគ្រឿងផ្សំដូចជាៈ
- ម្ទេស ៤ គ្រាប់ ហាន់តូចស្តើងៗ
- ខ្ទឹមស ២ កំពឹស ហាន់ល្អិតៗ
- ស្កសរ ៤-៥ ស្លាបព្រាបាយ
- ទឹកក្តៅ ៥ ស្លាបព្រាបាយ
- ក្រូចឆ្មា ១ ផ្លែ (អាចជំនួសដោយទឹកខ្មះ)
- ទឹកត្រី ៥-៦ ស្លាបព្រាបាយ
- ការ៉ុត ១ មើម ចិតជាចំណិតតូចៗ (ឬប្រើសំភារៈឆូត) ដាក់ចូលក្នុងទឹកគ្រឿងខ្លះ និងទុកផ្ទាប់ជាមួយខ្លះនៅពេលញាំ។
0 យោបល់:
Post a Comment